तै कारी हावस ओ

                                    ध्रुपद
लड़का- सोये कुकुर के मुह म टुरी लौड़ी झन डार -2
         -    तै कारी हावस वोs मोला चारा झन डार-2
लड़की- भागे ल सहरा टुरा जादा सोच झन बिचार-2
          -   तहू करिया हावस रेs जादा नखरा झन मार-2

                                अंतरा
लड़का- गांव के बड़ सिधवा लाईका,रहिथव ब्रह्मचारी,
                 ये रद्दा म रेंगव नही चाहे, कतको देवस तुतारी।
       ~      ए मया पिरित के माला, मोर गला म झन डार..

लड़की- सोवत जागत उठत बईठत,सुध ह तोर आथे,
               काम बुता कछु होवय नही मन बहि बरन हो जाथे।
       ~     बिन पानी के मछरी बरोबर, तरसा झन मार...

लड़का- तोर मया करलाई म मन, पीपर पाना कस     
                 डोलत हे।
लड़की- जल्दी हा कहिदे जिनगी निछावर, हिरदे ह 
                 चुरत हे।
 दोनो~  मया के जिनगी बिताबो दुनिया ल गोलीमार-2,
                 रंग-रूपे के छन्नी म ये मया ल झन छार-2।
                 ये मया ल झन छार...-6

                                 पवन नेताम 'श्रीबासु'
              सिल्हाटी, स/लोहारा,कबीरधाम(छ.ग.)
                        चलित भाष- 9098766347