बिक्कट के मया
बिक्कट के मया हे
नइ छोडव तोला
तोरबर मयारू मोर
तरसत हे चोला।।
तोर मीठ बोली मोर
जीव के अधारा
तही मोर हिरदे के
नारा बेयारा ।।
तोर बीना जोही रे
जीव मोर अंधियारा
आजा न जिनगी म
कर दे उजियारा।।
चंदा,सुरूज ले
हवे भले दुरिहा
तै मोर जोगनी
तही मोर जहूरिया ।।
मुच मुच ले हॅसी म
मन ल सजा डारे
रंग रंग के गहना म
तन ल रंगा डारे।।
मया के डोरी म
बांधे तै मोला
हाय मन मोहनी रे
मोर बम के गोला।।
बिक्कट के मया हे
नइ छोडव तोला
तोर बर मयारू मोर
तरसत हे चोला।।
कोई टिप्पणी नहीं:
एक टिप्पणी भेजें